Os ydych chi yn profi/wedi profi trais ar sail 'anrhydedd' nid eich bai chi yw hyn. Eich diogelwch a'ch lles chi yw'r blaenoriaethau pennaf, ac mae amrywiaeth o gymorth arbenigol ar gael i'ch helpu i ymdopi â’ch sefyllfa.
Ble i ddechrau?
Ydych chi mewn perygl nawr?
Ewch i le diogel - os yw'r ymddygiad newydd ddigwydd, ewch i rywle diogel lle mae pobl eraill, e.e. y llyfrgell ar y campws, siop neu gaffi os yw mewn man cyhoeddus.
Os ydych chi mewn perygl nawr neu wedi'ch anafu'n ddifrifol, ffoniwch 999 (neu 112 o ffôn symudol). Os ydych chi'n drwm eich clyw, lawrlwythwch yr ap 999 BSL.
Os ydych chi ar y campws, cysylltwch â Gwasanaethau Diogelwch y Campws drwy ap Safezone, deialu 333 o unrhyw ffôn mewnol neu 01792 513333 ar ffôn symudol.
Os nad ydych chi mewn perygl nawr, mae gennych amser i ystyried eich opsiynau.
Dywedwch wrth eich hun – Weithiau, y person cyntaf mae’n rhaid i ddioddefwr ddatgelu iddo yw ei hun. Yn rhy aml gall dioddefwyr argyhoeddi eu hunain ei fod yn rhywbeth "diniwed" neu mai nhw oedd ar fai. Effaith Cam-drin ar sail Anrhydedd
Beth hoffech chi weld yn digwydd?
Efallai eich bod yn gwybod beth hoffech chi weld yn digwydd nawr, ond gall fod yn brofiad sy'n codi ofn arnoch chi a'ch gorlethu, yn enwedig os ydych chi mewn perthynas â'r unigolyn neu'r unigolion, neu'n teimlo eu bod yn berygl i chi.
Nid oes unrhyw ffordd gywir neu anghywir o ymateb, dyna sydd orau i chi. Gallai fod o gymorth siarad â rhywun; gallai hyn fod yn ffrind, aelod o'r teulu, sefydliad proffesiynol e.e. karmanirvana neu gallwch gysylltu â staff arbenigol yn y brifysgol trwy'r platfform Adrodd a Chymorth.
- Gallwch chi wneud datgeliad ag enw: I gael cymorth gan Ymgynghorydd Diogelu ac Ymateb i Ddatgeliad (SDRA) yn y Brifysgol, gallwch wneud datgeliad gan roi eich enw drwy ddefnyddio'r wefan Adrodd a Chymorth. Sut gall SDRA eich cefnogi?
- Gallwch wneud datgeliad dienw hefyd drwy'r wefan Adrodd a Chymorth, lle gallwch chi ddatgelu eich profiad heb roi eich enw. Bydd yr wybodaeth yn cael ei defnyddio i ddeall patrymau ymddygiad sy'n effeithio ar ein myfyrwyr. Os ydych chi'n gwneud datgeliad dienw, ni fydd neb yn cysylltu â chi ac ni fydd camau gweithredu ffurfiol yn cael eu cymryd.
- ·Dyma fanylion am gymorth ychwanegol gallwch chi ei ystyried. Cymorth ar gyfer trais domestig a cham-drin ar sail anrhydedd
Opsiynau Adrodd - Chi sy'n Penderfynu
Nid adroddiad swyddogol yw datgeliad ac ni fydd yn arwain at weithredu ffurfiol. Chi sy'n penderfynu gwneud adroddiad neu beidio. Ni ddylai neb arall wneud y penderfyniad hwnnw i chi, ni waeth pa mor dda yw'r bwriad.
- ·Rhoi gwybod am drosedd i'r heddlu Chi sy'n penderfynu a hoffech chi siarad â'r Heddlu ai peidio. Er nad oes trosedd benodol o 'gamdriniaeth ar sail anrhydedd', yn ôl Gwasanaeth Erlyn y Goron, mae'n groes i hawliau dynol a gall fod yn ffurf ar drais domestig a/neu rywiol. Felly, troseddau yw'r rhain sy'n ddarostyngedig i ddeddfwriaeth bresennol. Dyma Wybodaeth gan Gymorth i Ddioddefwyr - Adrodd i'r Heddlu.
- ·Rhoi Gwybod i Crimesoppers - Gallwch chi roi gwybod i Crimestoppers drwy ffonio: 0800 555 111 neu drwy lenwi ffurflen Crimestoppers ar-lein.
- Rhoi gwybod i'r Brifysgol: Os yw'r unigolyn yn aelod o gymuned y Brifysgol (staff neu fyfyriwr) gallwch gyflwyno adroddiad ffurfiol drwy'r polisi Urddas yn y Gweithle ac wrth Astudio. Gall Canolfan Cyngor a Chymorth Undeb y Myfyrwyr (SUASC) eich helpu i ysgrifennu eich datganiad.