Diolch i chi am ddewis cyflwyno adroddiad yn ddienw. Rydym yn deall y gallai hwn fod yn gyfnod anodd i chi ac rydym am roi cefnogaeth i chi.
Gan eich bod chi wedi dewis cyflwyno adroddiad yn ddienw, efallai na fyddwn ni’n gallu’ch helpu chi’n uniongyrchol, ond gallwn ni eich cyfeirio chi at wasanaethau cymorth ac efallai gallwn ni helpu pobl eraill. Bydd yr wybodaeth rydych chi’n ei rhoi’n ein helpu ni i wella ein gwasanaethau e.e. Gwneud gwaith atal sy’n seiliedig ar ffeithiau ar draws y Brifysgol. Fodd bynnag, NI fydd cyflwyno adroddiad yn ddienw’n arwain at gymryd camau gweithredol yn erbyn tramgwyddwyr.
Fodd bynnag, os ystyrir bod pryderon sylweddol ynghylch diogelu, diogelwch neu les, efallai caiff yr wybodaeth ei rhannu â sefydliadau trydydd parti e.e. yr Heddlu, y Gwasanaethau Cymdeithasol, a fydd yn cymryd camau gweithredu o bosib.
Os hoffech chi siarad â rhywun, neu os oes angen cymorth neu arweiniad arnoch chi, neu os hoffech chi i archwiliad ffurfiol gael ei gynnal, cliciwch ar ‘
siarad â chynghorydd’.
Mae eich data’n bwysig i ni. Ni fyddwn ni’n casglu nac yn cadw gwybodaeth sy’n groes i’n
polisi preifatrwydd.Dylai gymryd tua 5-10 munud i gwblhau’r adroddiad, gan ddibynnu ar lefel y manylion a rowch. Mae cwestiynau sy’n ddewisol, gan gynnwys cwestiynau demograffig. Mae’r rhain yn ein helpu ni i ddysgu mwy am i bwy, ble a phryd mae problemau’n digwydd ond os nad ydych chi am eu hateb, gallwch chi barhau i’r cwestiwn nesaf.
